bool(false)

本网站将于6月20日09:00-14:00进行网站系统升级工程,期间有关预订或订单查询,请致电 37283500 (美荷楼) / 27881638 (其他旅舍) 。

×

【亲子好去处】摩星岭探险之旅

2017-08-02
  • 分享至:

今年7月,我们的粉丝兼blogger呀剑万帅 kimfamilytravel带同小朋友一家大细第一次入住赛马会摩星岭青年旅舍,短短两日一夜但行程丰富有趣!快看看以下的精彩分享,跟着他们来个摩星岭小历险!


我哋喺坚尼地城买好哂餸就准备上山去,因为夹唔啱Shuttle Bus的时间表,所以我哋都系打的上去,差唔多$60埋单

去到旅舍闸口,闸口系锁上的。原来要叫职员出嚟开门,我觉得有少少唔太方便,因为有阵时职员望唔到的话就要傻傻咁企喺出面等 (可能之前曾经有唔安全事发生过卦)

今日天气欠佳,所以周围都落雨湿湿

有其他朋友都订了两手Fing-Fing 1.0 (想知系咩睇番官网介绍) 其实我哋上年都去咗昂坪的戴维斯营,那个属于 Version 2.0,不过今年夏天太热,还是住有冷气营舍比较好!

我哋先入 Office Check 个 in 先

接待处开朝7晚12,真系完全唔惊夜晚有事唔知搵边个!

呢度有哂大家一切所需,喺休憩室嗰有好多储物柜提供,如果大家冇带锁,都可以喺度买番个! (不过如果喺度住一晚有房的话,都唔太需要用储物柜,只系方便D唔驶下下走出走入)

本土纪念品当然唔少得

成个营舍都有免费WIFI提供,不过每个位置都要登入一次

宿舍都有提供DIY早餐,价钱唔算贵

出边仲落紧毛毛雨,我哋拎咗房匙,职员又同我哋Briefing完之后,我哋都留咗喺度休息一阵

可能大家最担心系附近冇7仔,因为呢个营地喺摩星岭都比较「山卡啦」

不过呢度咩都有! 杯面波仔饭都有,唔惊会饿亲!

呢个营地都有好多唔同团体或者外藉朋友入住,见到周围布置都好文青好年轻呀!

YHA真系遍布世界各地,一张会员证可以用喺唔同地方,每年会费$150,如果过期前续会可以悭番$40!

一于喺度捉下棋玩下层层叠

之后我哋就入房放低行李先,房间企理好舒服! 我哋住的系家庭房,有一张双人床再加双层床

3-4个插苏位,绝对够用!

有冷气、蚊灯、风扇

我哋今次嚟即使落雨湿湿,但系都冇咩蚊喎!

雨势开始减弱,又未开始预备晚餐之前,当然慢活一番! 传说中270度超级无敌大海景真系冇得叹!

听职员讲今朝有好多记者朋友上到嚟影「辽宁号」,原来呢度真系睇得好清楚! 知道「辽宁号」访港,不过好似唔系人人可以上到去参观,同埋上得去又唔俾影相,依家喺度见到(虽然远咗D),但系都好开心! 我今日冇预备到Zoom Lens所以只好远远的望着,再Google张相俾小朋友睇

(数据图片from Google) 系咪同我见到的差好远呢…哈哈~

入咗营一段时间,原来都只不过过咗1个小时多…其实平时自己真系太匆忙,所以今次可以好好的跟小朋友享受亲子时光

雨开始停落嚟,小朋友当然要尽情玩踩水凼啦!

雨过天晴!!!

依家睇「辽宁号」就更加清楚喇

营舍有公用洗手间,十分干净唔臭!

仲有风筒提供

然后参观一下饭堂

环境好舒服好干净,厨房都系大家共享

每张枱上面都有唔同的棋盘,喺度边食边玩棋又唔错喎

厨房有多个电子煮食炉,大家都唔驶太担心唔够用,因为大家食饭时间都唔同,其实都真系好够用唔驶争。

所有碗筷都有提供,简单调味料都有(糖、盐、豉油之类,都是上手住客用剩的,但很干净安全)

大人去煮嘢食,小朋友可以去休憩室玩

地方够大又好舒服

刚才提过的储物柜,不过都系透明的,所以贵重嘢都系跟身好

呢度咩棋都有,仲有好多书睇

剩系呢几个大豆袋,小朋友已经好钟意

小朋友都有属于自己的玩法

只臭脚边个架呢?!

休憩室内仲放置一张气垫球枱,小朋友对眼即刻发光

有得玩唔驶同人争又唔驶排队! 玩得超开心

天气越嚟越好!!! 或者听朝瞓醒起身可以见到超美的大海景

到咗晚餐时间! 开饭

到咗入夜之后,整个营舍都变得好靓

我呢个创意多多的老爸,夜晚食完饭之后我就同小朋友来个小小探险队,每人拎住唔同款的电筒,由营舍的270度大海景可以搜索昆虫

一嚟就发现只小蜘蛛,佢哋就已经好兴奋,个蜘蛛网真系好靓!

对于大人嚟讲微不足道的小昆虫,但小朋友的世界却是似找到珍宝似的

哥哥发现不同大大细细的蜗牛! 仲留意到佢哋个蜗牛壳系唔同转纹

行行吓见到有田鸡跳过….两个不死心誓要搵佢出嚟

靓菇都搵得到!

见到水管上的水滴,因为感觉好似啫喱仔,所以佢哋都好新奇要用手指点下佢

虽然头先走甩咗只,依家俾佢哋再发现一只乖乖的坐喺度等影相

见到咁多只小蜗牛,终于发现只超巨大的

最后谂住完成探险旅程番入房,点知喺我哋房门口,有只大大的草蜢仲好青绿色好靓

沿途撞见其他住客,佢哋啱啱切好西瓜食,顺便请呢3个小宝每人食一块,当系完成探险的小奖励

到咗第二朝,真系阳光普照! 好正呀…呢D景色及自在环境真系住酒店好少会遇得见

我哋煮好早餐就拎出去坐, 喺呢个270度大海景之下叹早餐

叹完早餐之后,大人去咗洗碗碟,我哋就入番休憩室玩!

之后我哋就执拾好行李,先交还被铺同房匙,然后我哋出发上摩星岭探险

大家都知道摩星岭系咩地方啦,不过我哋胆大包天,带住几个小朋友就趟上山

因为昨晚落雨湿湿,所以好多地方洞穴都仲系水凼滴水

我呢个爸爸用有限的小知识介绍下摩星岭俾小朋友知道扮导赏(因为以前后生都嚟过几次私影)

不过最好不好俾人听到啦! 如果讲错就笑死人

呢棵最出名的一支独秀树,隔咗几年再上嚟真系呢个样唔同哂

大家记住上嚟要着长裤,因为好多杂草同多蚊!(幸好今朝上到嚟又唔算多蚊)

哥哥执起支树枝话第时我老咗就会执番枝俾我用,佢话因为可以悭钱唔好买,心谂真系多谢哂! 不过都要赞自己教导有方

超多草蜢!!!

最后上到嚟呢个最出名的炮台,撞啱又有班人喺度私影!

行咗一个小时多,天气实在太热,我哋番去营舍,入冷气房休憩室再玩气垫球,我就继续欣赏一下这无敌大海景!

因为我哋预约咗下午2点的穿梭巴士,所以有少少时间我哋再去踢吓波(就在露营地附近的大草地)

刚好屋企发现有包吹波胶,所以带嚟玩埋佢! 不过真系太臭太胶太化学,玩埋呢转都系唔可以再玩,系咁咦俾佢哋试一试,其他都系我吹番!

唔好误会呀妹做核突嘢,只系佢两只手拎唔住所以用个身Hold住! 唔好以为我喺度教坏小朋友呀! 哈哈~

喺接待室对面其实有间电视房,不过一场嚟到我当然唔鼓励大家入嚟睇电视啦

呀妹寻日影咗一张类似的,今日哥哥又话要我帮佢影番张….唉!

最后搭穿梭巴士落番去坚尼地城港铁站,我哋搵个地方食埋Lunch+Tea就散Band啦!

Photo by CANON 5D Mark IV, Len | EF 24-70mm f/2.8L USM

呀剑评分: 8

呀剑评语: 跟到大酒店过一晚,有另外一番风味,我觉得跟小朋友总不能下下舒舒服服飞嚟飞去叹世界,有时都要同佢哋一齐捱下苦(其实只系大人觉得),流下汗食吓普通嘢,唔会有其他节目配套,全部自己计划旅程,真系纯享亲子时光! 总结呢两日一夜漫活之旅,真系觉得时间好似停留咗喺度,各妈咪都问点解仲未够钟走既?

YHA 赛马会摩星岭青年旅舍
置身旅舍270度的观景台,维多利亚港和青马大桥美景尽收眼底,海景双人房更让你尽享日落景致。附设各种桌上游戏的休憩室,是三五知己玩乐畅聚的好地方。沿旅舍旁的梯级拾级而上,便是已被列为二级历史建筑物的摩星岭炮台军事遗迹群,远足之余可顺道了解香港历史。旅舍提供免费穿梭巴士来往坚尼地城港铁站。

费用:$220-$1,440

地址:香港薄扶林摩星岭径123号

营业时间
开放时间 :上午7:00-午夜12:00
入住时间 :下午3:00
退房时间 :中午12:00

电话:(852) 2817 5715

电邮:md@yha.org.hk

其他详细资料
https://www.yha.org.hk/zh/hostel/jockey-club-mt-davis-youth-hostel


原文出处:呀剑万帅 kimfamilytravel

再次感谢Kim的精彩分享和照片!

「YHA背包游记」欢迎各方人士投稿,如果你有任何有关旅游的有趣分享,可以将你的文章电邮到 info@yha.org.hk,让更多人感受旅行的美好。